تبرعاتكم يا أهل الخير وصلت ولكن ....

السلام عليكم ورحمة الله وبركاته

هذي دعوه مني لبذل المزيد والمزيد

تبرعوا لو بدينار والله تسوي فرق

اخوي \ اختي

جمعوا من زملائكم في العمل ولا في البيت وشجعوا بعضكم

اهني موضع التنافس وهذا نوع من الجهاد واهوه جهاد الماااال

اللي تبرع مره يتبرع مرة ثانية وثالثه ورابعه

الحمدلله احنا ماعلينا قصور

ليش نبخل على غيرنا بدينار ولا عشره !!

واحنا نقط على الجمعية 200 و300 دينار @@ على كماليات

انا لين الحين جمعت باسبوع من اهلي ورفيجاتي 230 دينار وبسملهم باجر ان شاء الله حق اللجنه

والله شاهد مو رياء ولا شي ولكن نبي نتافس منو اللي قدر يساعد اكثر

ربنا بيسألنا احنا شنو سوينا لهم ؟؟

انتي شنو قدمتي؟

وانت شنو بذلت؟؟

جهاد المال وان شاء الله بعدها بجهاد النفس

كلمات من قلبي لكم والسموحة اذا طولت عليكم